കേരള ന്യൂസ് മീഡിയ
റിപ്പോർട്ട്: കിരൺ എസ്. പിള്ളൈ
2026 ഫിഫ ലോകകപ്പിൽ മറ്റൊരു വമ്പൻ അട്ടിമറി. യൂറോപ്യൻ ശക്തികളായ നെതർലൻഡ്സിനെ പെനാൽറ്റി ഷൂട്ടൗട്ടിൽ 3-2ന് കീഴടക്കി മൊറോക്കോ പ്രീക്വാർട്ടറിലേക്ക് മുന്നേറി. നിശ്ചിത സമയത്തും അധികസമയത്തും മത്സരം 1-1 സമനിലയിൽ അവസാനിച്ചതോടെയാണ് വിജയിയെ പെനാൽറ്റിയിലൂടെ കണ്ടെത്തിയത്.
72-ാം മിനിറ്റിൽ കോഡി ഗാക്പോ നേടിയ ഗോളിലൂടെ നെതർലൻഡ്സ് ലീഡ് നേടിയിരുന്നു. എന്നാൽ ഇൻജുറി ടൈമിന്റെ ആദ്യ മിനിറ്റിൽ ഇസ്സ ഡിയോപ് നേടിയ ഹെഡർ ഗോളിലൂടെ മൊറോക്കോ സമനില പിടിച്ചു. അധികസമയത്ത് ഇരുടീമുകൾക്കും വിജയഗോൾ നേടാനാകാതെ വന്നതോടെ മത്സരം പെനാൽറ്റി ഷൂട്ടൗട്ടിലേക്ക് നീങ്ങി.
ഷൂട്ടൗട്ടിൽ മൊറോക്കൻ ഗോൾകീപ്പർ യാസിൻ ബൂനു നിർണായക സേവുമായി തിളങ്ങിയപ്പോൾ, ഇസ്മായേൽ സൈബാരി വിജയകിക്ക് ലക്ഷ്യത്തിലെത്തിച്ച് ടീമിനെ അവസാന 16-ലേക്ക് എത്തിച്ചു. ഈ വിജയത്തോടെ മൊറോക്കോ അടുത്ത ഘട്ടത്തിൽ കാനഡയെ നേരിടും.
കേരള ന്യൂസ് മീഡിയ വാട്സ്ആപ്പ് ചാനൽ പിന്തുടരൂ:
https://whatsapp.com/channel/0029Vb7Ks1v1t90adn8xFf2w
കേരള ന്യൂസ് മീഡിയ ഇ പേപ്പർ:
https://chat.whatsapp.com/E78Zp4LoHNTH8dsLXxgdO1?s=cl&p=a&mlu=3
കൂടുതൽ വാർത്തകൾ വായിക്കാൻ:
