കേരള ന്യൂസ് മീഡിയ
എഡിറ്റോറിയൽ | കിരൺ എസ് പിള്ളൈ
ആഗോള എണ്ണ-വാതക പ്രതിസന്ധി ശക്തമാകുന്നതിനിടെ പഞ്ചാബിലും ഹരിയാനയിലും വീണ്ടും ചാണകക്കട്ടകൾ ഇന്ധനമായി ഉപയോഗിക്കുന്ന പ്രവണതി വർധിക്കുകയാണ്. ഒരുകാലത്ത് “പഴയ ഗ്രാമീണ ഇന്ധന സംവിധാനം” എന്ന നിലയിൽ പിന്നിലേക്ക് മാറിയിരുന്ന ഗോബർ പത്തികൾ ഇപ്പോൾ വീണ്ടും വീടുകളിലും ധാബകളിലും ചെറിയ കടകളിലും തിരിച്ചെത്തുകയാണ്.
ഇത് വെറും ഗ്രാമീണ ജീവിതശൈലി മാറ്റമല്ല. ഇന്ത്യയുടെ ഊർജ സുരക്ഷയെക്കുറിച്ചുള്ള വലിയ മുന്നറിയിപ്പാണ്.
LPG സിലിണ്ടർ വിലയും ലഭ്യത പ്രശ്നങ്ങളും വർധിക്കുന്ന സാഹചര്യത്തിൽ പല കുടുംബങ്ങളും കുറഞ്ഞ ചെലവിലുള്ള പ്രാദേശിക ഇന്ധന മാർഗങ്ങളിലേക്ക് തിരിഞ്ഞുതുടങ്ങിയിരിക്കുകയാണ്. പഞ്ചാബ്-ഹരിയാന മേഖലകളിൽ മുമ്പ് ₹4-₹5 ഉണ്ടായിരുന്ന ഒരു ചാണകക്കട്ട ചില പ്രദേശങ്ങളിൽ ₹35-₹40 വരെ വിലയെത്തിയതായും റിപ്പോർട്ടുകളുണ്ട്.
ഒരുകാലത്ത് “മാലിന്യം” എന്ന് കണ്ടിരുന്നതാണ് ഇപ്പോൾ വീണ്ടും വിലമതിക്കപ്പെടുന്ന ഇന്ധന വിഭവമായി മാറുന്നത്.
ഇവിടെ ഒരു വലിയ സാമ്പത്തിക യാഥാർഥ്യം മറഞ്ഞുകിടക്കുന്നു.
ആധുനിക ലോകം മുഴുവൻ “high energy dependency” സംവിധാനങ്ങളിലാണ് പ്രവർത്തിക്കുന്നത്. എണ്ണ വില ഉയരുമ്പോഴും വിതരണ ശൃംഖല തകരുമ്പോഴും ഏറ്റവും കൂടുതൽ ബാധിക്കപ്പെടുന്നത് സാധാരണ ജനങ്ങളാണ്. പ്രത്യേകിച്ച് ഇറക്കുമതി അധിഷ്ഠിത സമ്പദ്വ്യവസ്ഥകൾക്ക് ഇത്തരം ആഗോള സംഘർഷങ്ങൾ വേഗത്തിൽ ആഭ്യന്തര ജീവിതച്ചെലവായി മാറുന്നു.
ഹോർമുസ് കടലിടുക്ക് പ്രതിസന്ധിയും പശ്ചിമേഷ്യയിലെ യുദ്ധ സാഹചര്യങ്ങളും ആഗോള ഇന്ധന വിപണിയെ കൂടുതൽ അസ്ഥിരമാക്കിയിരിക്കുകയാണ്. ഇന്ത്യ പോലുള്ള രാജ്യങ്ങൾക്ക് ഇത് നേരിട്ടുള്ള ആഘാതമാണ്.
അതേസമയം ഈ സംഭവത്തിൽ മറ്റൊരു വലിയ വിരോധാഭാസവുമുണ്ട്.
“ആധുനികീകരണം” എന്ന പേരിൽ പഴയ ഗ്രാമീണ സ്വയംപര്യാപ്ത സംവിധാനങ്ങൾ പലതും ഉപേക്ഷിക്കപ്പെട്ടു. എന്നാൽ പ്രതിസന്ധി വന്നപ്പോൾ വീണ്ടും അതേ പ്രാദേശിക സംവിധാനങ്ങളിലേക്കാണ് സമൂഹം തിരിഞ്ഞുപോകുന്നത്.
ചാണകക്കട്ടകൾ വെറും ഇന്ധനം മാത്രമല്ല. ഒരു പഴയ ഗ്രാമീണ circular economyയുടെ ഭാഗമായിരുന്നു. പശു വളർത്തൽ, വളം, ഇന്ധനം, കൃഷി എന്നിവ പരസ്പരം ബന്ധിപ്പിച്ചിരുന്ന ഒരു പ്രാദേശിക സ്വയംപര്യാപ്ത മാതൃക.
ഇപ്പോൾ ആ പഴയ സംവിധാനം പുതിയ സാമ്പത്തിക മൂല്യം നേടുകയാണ്.
എന്നാൽ ഇതിനെ “പിന്നോട്ടുപോക്ക്” എന്നോ “ഗ്രാമീണ റൊമാന്റിസം” എന്നോ മാത്രം കാണാൻ പാടില്ല. ഇന്ത്യയ്ക്ക് വലിയ തോതിൽ decentralised energy systems ആവശ്യമാണ് എന്ന സത്യവും ഇത് ഓർമ്മിപ്പിക്കുന്നു.
Biogas, biofuel, compressed biogas, agricultural waste energy തുടങ്ങിയ മേഖലകൾ ഇന്ത്യ കൂടുതൽ ശക്തമായി വികസിപ്പിക്കേണ്ട സാഹചര്യമാണിപ്പോൾ.
കാരണം 21ാം നൂറ്റാണ്ടിലെ വലിയ യുദ്ധങ്ങൾ വെറും അതിർത്തികളിൽ മാത്രമല്ല നടക്കുക. എണ്ണ പാതകളിലും ഊർജ വിതരണ ശൃംഖലകളിലും ആയിരിക്കും അതിന്റെ പ്രധാന പോരാട്ടങ്ങൾ നടക്കുക.
ഊർജ സുരക്ഷ ഇല്ലാത്ത രാജ്യങ്ങൾക്ക് സാമ്പത്തിക സ്വാതന്ത്ര്യവും ദുർബലമാകും.
Follow the കേരള ന്യൂസ് മീഡിയ channel on WhatsApp: https://whatsapp.com/channel/0029Vb7Ks1v1t90adn8xFf2w
Read news at www.keralanewsmediaonline.com
