കേരള ന്യൂസ് മീഡിയ
റിപ്പോർട്ട്: ദൗ ല ത് ഷാ എം
അമേരിക്കൻ പ്രസിഡന്റ് ഡൊണാൾഡ് ട്രംപും ചൈനീസ് പ്രസിഡന്റ് ഷി ജിൻപിംഗും തമ്മിലുള്ള ഉച്ചകോടിക്ക് മുന്നോടിയായി ചൈനീസ് വാഹനനിർമാതാക്കൾക്ക് അമേരിക്കൻ വിപണിയിലേക്ക് പ്രവേശനം അനുവദിക്കരുതെന്ന് അമേരിക്കയിലെ വാഹനനിർമാതാക്കളും വിതരണ ശൃംഖല കമ്പനികളും തൊഴിലാളി സംഘടനകളും ഇരുകക്ഷി നിയമനിർമാതാക്കളും ആവശ്യപ്പെട്ടു. ചൈനീസ് വാഹനങ്ങൾക്ക് പ്രവേശനം നൽകിയാൽ അമേരിക്കയുടെ വാഹന വ്യവസായത്തിനും ദേശീയ സുരക്ഷയ്ക്കും വലിയ തിരിച്ചടിയാകുമെന്നാണ് ഇവരുടെ മുന്നറിയിപ്പ്.
ചൈനീസ് വാഹന കമ്പനികൾക്ക് വൻ സർക്കാർ പിന്തുണയും കുറഞ്ഞ ഉൽപ്പാദനച്ചെലവും അതിവേഗ സാങ്കേതിക പുരോഗതിയും ഉള്ളതിനാൽ വിലക്കുറവിൽ വാഹനങ്ങൾ വിപണിയിലെത്തിക്കാൻ കഴിയുന്നുവെന്നാണ് അമേരിക്കൻ വ്യവസായ സംഘടനകളുടെ വാദം. ഇതുമൂലം അമേരിക്കൻ കമ്പനികൾക്ക് കടുത്ത മത്സരം നേരിടേണ്ടിവരുമെന്നും ആയിരക്കണക്കിന് തൊഴിലവസരങ്ങൾ അപകടത്തിലാകാമെന്നും അവർ ചൂണ്ടിക്കാട്ടുന്നു.
ചൈനീസ് വാഹനങ്ങളിലെ ഡാറ്റ ശേഖരണ സംവിധാനങ്ങൾ ദേശീയ സുരക്ഷയ്ക്ക് ഭീഷണിയാകുമെന്ന ആശങ്കയും അമേരിക്കയിൽ ശക്തമാണ്. ഈ സാഹചര്യത്തിൽ ചൈനയിൽ നിർമ്മിക്കുന്ന വാഹനങ്ങൾക്കും അവയിലെ സാങ്കേതിക ഘടകങ്ങൾക്കും കർശന നിയന്ത്രണങ്ങൾ ഏർപ്പെടുത്തുന്ന നിയമനിർമാണത്തിന് റിപ്പബ്ലിക്കൻ, ഡെമോക്രാറ്റിക് പാർട്ടികളിലെ നിരവധി അംഗങ്ങൾ പിന്തുണ പ്രഖ്യാപിച്ചിട്ടുണ്ട്.
അതേസമയം, വിലക്കുറവുള്ള ചൈനീസ് വൈദ്യുത വാഹനങ്ങൾ യൂറോപ്പിലും മെക്സിക്കോയിലും വിപണി വിഹിതം വേഗത്തിൽ വർധിപ്പിക്കുന്ന സാഹചര്യത്തിൽ അമേരിക്കൻ വാഹന വ്യവസായം കൂടുതൽ ജാഗ്രത പുലർത്തുകയാണ്. ട്രംപ്-ഷി ചർച്ചകളിൽ വാഹന മേഖലയുമായി ബന്ധപ്പെട്ട നിർണായക തീരുമാനങ്ങളുണ്ടാകുമോയെന്നതാണ് ആഗോള വാഹന വിപണി ഉറ്റുനോക്കുന്നത്.
കേരള ന്യൂസ് മീഡിയ വാട്സ്ആപ്പ് ചാനൽ പിന്തുടരൂ:
https://whatsapp.com/channel/0029Vb7Ks1v1t90adn8xFf2w
കേരള ന്യൂസ് മീഡിയ ഇ പേപ്പർ:
https://chat.whatsapp.com/E78Zp4LoHNTH8dsLXxgdO1?s=cl&p=a&mlu=3
കൂടുതൽ വാർത്തകൾ വായിക്കാൻ:
