കേരള ന്യൂസ് മീഡിയ
റിപ്പോർട്ട്: സജീവ് ഗോപാലൻ
ബോസ്റ്റൺ: 2026 ഫിഫ ലോകകപ്പിൽ ഗ്രൂപ്പ് സിയിലെ നിർണായക മത്സരത്തിൽ മൊറോക്കോ സ്കോട്‍ലൻഡിനെ 1-0ന് പരാജയപ്പെടുത്തി പ്രീ-നോക്ഔട്ട് സാധ്യതകൾ ശക്തമാക്കി. മത്സരത്തിന്റെ 71-ാം സെക്കൻഡിൽ ഇസ്മായേൽ സൈബാരി നേടിയ ഗോൾ വിജയഗോളമായി മാറി. ഇത് ഇതുവരെയുള്ള ലോകകപ്പിലെ ഏറ്റവും വേഗമേറിയ ഗോളുമാണ്.
ആദ്യ മിനിറ്റുകളിൽ തന്നെ ആക്രമണ ഫുട്ബോൾ പുറത്തെടുത്ത മൊറോക്കോ മത്സരത്തിൽ വ്യക്തമായ മേൽക്കൈ പുലർത്തി. 601 പാസുകൾ പൂർത്തിയാക്കി ലോകകപ്പ് ചരിത്രത്തിൽ ഒരു ആഫ്രിക്കൻ ടീം നടത്തിയ ഏറ്റവും കൂടുതൽ പാസുകളുടെ റെക്കോർഡും അവർ സ്വന്തമാക്കി.
രണ്ടാം പകുതിയിൽ സ്കോട്‍ലൻഡ് ശക്തമായി തിരിച്ചുവരാൻ ശ്രമിച്ചു. ജോൺ മക്ഗിന്നിനും സ്കോട്ട് മക്ടോമിനേയ്ക്കും അനുകൂലമായി പെനാൽറ്റി ലഭിക്കാത്തത് വിവാദത്തിനും ഇടയാക്കി. മത്സരശേഷം പരിശീലകൻ സ്റ്റീവ് ക്ലാർക്കും ഈ തീരുമാനങ്ങളിൽ നിരാശ പ്രകടിപ്പിച്ചു.
ഈ വിജയത്തോടെ രണ്ട് മത്സരങ്ങളിൽ നിന്ന് നാല് പോയിന്റുമായി മൊറോക്കോ ഗ്രൂപ്പ് സിയിൽ മുൻതൂക്കം നേടി. ബ്രസീലിനെതിരെ സമനില നേടിയ ശേഷം തുടർച്ചയായ മികച്ച പ്രകടനമാണ് അവർ പുറത്തെടുത്തത്.
അതേസമയം ഹെയ്തിക്കെതിരായ വിജയത്തിന് പിന്നാലെ വന്ന ഈ തോൽവി സ്കോട്‍ലൻഡിന്റെ മുന്നേറ്റ പ്രതീക്ഷകൾക്ക് തിരിച്ചടിയായി. ഇനി ബ്രസീലിനെതിരായ അവസാന ഗ്രൂപ്പ് മത്സരം സ്കോട്‍ലൻഡിന് നിർണായകമാകും.
കേരള ന്യൂസ് മീഡിയ വാട്സ്ആപ്പ് ചാനൽ പിന്തുടരൂ: https://whatsapp.com/channel/0029Vb7Ks1v1t90adn8xFf2w
കേരള ന്യൂസ് മീഡിയ ഇ-പേപ്പർ: https://chat.whatsapp.com/E78Zp4LoHNTH8dsLXxgdO1?s=cl&p=a&mlu=3
കൂടുതൽ വാർത്തകൾ വായിക്കാൻ: www.keralanewsmediaonline.com
