കേരള ന്യൂസ് മീഡിയ

റിപ്പോർട്ട്: കിരൺ എസ് പിള്ളൈ

ആശുപത്രികൾ കൃത്രിമ ബുദ്ധി (AI), ഇലക്ട്രോണിക് ഹെൽത്ത് റെക്കോർഡുകൾ (EHR), ടെലിമെഡിസിൻ, ഡിജിറ്റൽ രോഗി വിവര സംവിധാനം എന്നിവയിലേക്ക് മാറുന്ന സാഹചര്യത്തിൽ ഡിജിറ്റൽ ഹെൽത്ത് മാനേജർ എന്ന പുതിയ തൊഴിൽ മേഖല അതിവേഗം വളരുകയാണ്. ആശുപത്രികളിലെ ഡിജിറ്റൽ സംവിധാനങ്ങൾ നടപ്പാക്കുക, രോഗിവിവരങ്ങൾ സുരക്ഷിതമായി കൈകാര്യം ചെയ്യുക, AI അധിഷ്ഠിത ആരോഗ്യസേവനങ്ങൾ ഏകോപിപ്പിക്കുക എന്നിവയാണ് ഈ ജോലിയുടെ പ്രധാന ഉത്തരവാദിത്വങ്ങൾ.

ഈ മേഖലയിലേക്ക് പ്രവേശിക്കാൻ ഇന്ത്യയിൽ നിരവധി സർട്ടിഫിക്കറ്റ് കോഴ്‌സുകൾ ലഭ്യമാണ്. ആറുമാസത്തെ Advanced Certificate Course in Digital Health നടത്തുന്നു. ഡിജിറ്റൽ ഹെൽത്ത്, ടെലിമെഡിസിൻ, AI, സൈബർ സുരക്ഷ, ആരോഗ്യ ഡാറ്റാ മാനേജ്മെന്റ് എന്നിവയാണ് പ്രധാന പഠനവിഷയങ്ങൾ. അതേസമയം Executive Certificate Course on Digital Health Leadership and Strategic Implementation എന്ന രണ്ടുമാസത്തെ പ്രോഗ്രാം നടത്തുന്നു. ഇത് ആരോഗ്യരംഗത്തെ ഡിജിറ്റൽ പരിവർത്തനത്തിന് നേതൃത്വം നൽകാൻ പ്രൊഫഷണലുകളെ തയ്യാറാക്കുന്നതാണ്.

ഈ കോഴ്‌സുകൾ പൂർത്തിയാക്കുന്നവർക്ക് ആശുപത്രികൾ, ഹെൽത്ത്-ടെക് സ്റ്റാർട്ടപ്പുകൾ, ഇൻഷുറൻസ് കമ്പനികൾ, ടെലിമെഡിസിൻ സ്ഥാപനങ്ങൾ, സർക്കാർ ഡിജിറ്റൽ ആരോഗ്യ പദ്ധതികൾ, മെഡിക്കൽ സോഫ്റ്റ്‌വെയർ കമ്പനികൾ എന്നിവിടങ്ങളിൽ ജോലി നേടാം. Digital Health Manager, Healthcare Technology Consultant, Clinical Informatics Specialist, Health Data Analyst തുടങ്ങിയ പുതിയ തൊഴിൽ മേഖലകളിലേക്കുള്ള പ്രവേശന കവാടമായാണ് ഈ സർട്ടിഫിക്കേഷനുകൾ വിലയിരുത്തപ്പെടുന്നത്.

ഇന്ത്യയിലെ ആരോഗ്യരംഗം അതിവേഗം ഡിജിറ്റലാകുന്ന സാഹചര്യത്തിൽ, ഡോക്ടർമാർക്കും നഴ്സുമാർക്കും ഫാർമസിസ്റ്റുകൾക്കും ആശുപത്രി അഡ്മിനിസ്ട്രേറ്റർമാർക്കും ഐടി പ്രൊഫഷണലുകൾക്കും ഈ മേഖല മികച്ച കരിയർ സാധ്യതകൾ തുറക്കുമെന്ന് വിദഗ്ധർ ചൂണ്ടിക്കാട്ടുന്നു.

കേരള ന്യൂസ് മീഡിയ വാട്സ്ആപ്പ് ചാനൽ പിന്തുടരൂ:

https://whatsapp.com/channel/0029Vb7Ks1v1t90adn8xFf2w

കേരള ന്യൂസ് മീഡിയ ഇ-പേപ്പർ:

https://chat.whatsapp.com/E78Zp4LoHNTH8dsLXxgdO1?s=cl&p=a&mlu=3

കൂടുതൽ വാർത്തകൾ വായിക്കാൻ: