കേരള ന്യൂസ് മീഡിയ

റിപ്പോർട്ട്: സജീവ് ഗോപാലൻ

രാജ്യത്തെ ഏറ്റവും വലിയ ഓഹരി വിപണി പ്രവേശനങ്ങളിൽ ഒന്നായി വിലയിരുത്തപ്പെടുന്ന ജിയോ പ്ലാറ്റ്ഫോംസിന്റെ ഐപിഒയിൽ പുതിയ തന്ത്രവുമായി റിലയൻസ് ഇൻഡസ്ട്രീസ്. നിലവിലുള്ള വിദേശ നിക്ഷേപകർക്ക് ഓഹരി വിറ്റഴിക്കാൻ അവസരം നൽകുന്ന പദ്ധതി ഒഴിവാക്കി, പുതിയ മൂലധനം സമാഹരിക്കാൻ മാത്രം ഓഹരികൾ പുറത്തിറക്കുന്ന മാതൃകയാണ് കമ്പനി സ്വീകരിച്ചിരിക്കുന്നതെന്ന് റിപ്പോർട്ടുകൾ പറയുന്നു.

ഐപിഒയിൽ ഏകദേശം 2.5 മുതൽ 2.9 ശതമാനം വരെ പുതിയ ഓഹരികൾ പുറത്തിറക്കി വൻതോതിൽ നിക്ഷേപം സമാഹരിക്കാനാണ് ലക്ഷ്യം. മെറ്റ, ഗൂഗിൾ, വിസ്റ്റ ഇക്വിറ്റി പാർട്ണേഴ്സ് ഉൾപ്പെടെയുള്ള നിലവിലെ നിക്ഷേപകർ ഓഹരികൾ വിറ്റഴിക്കാൻ തയ്യാറായിട്ടില്ലെന്നും കമ്പനിയുടെ ദീർഘകാല വളർച്ചയിൽ വിശ്വാസം പ്രകടിപ്പിച്ചിരിക്കുകയാണെന്നും റിപ്പോർട്ടിൽ പറയുന്നു.

സമാഹരിക്കുന്ന തുക ആർട്ടിഫിഷ്യൽ ഇന്റലിജൻസ്, ക്ലൗഡ് സേവനങ്ങൾ, ഡിജിറ്റൽ പ്ലാറ്റ്ഫോമുകൾ, ടെലികോം ശൃംഖല വികസനം എന്നിവയ്ക്കായി വിനിയോഗിക്കാനാണ് കമ്പനിയുടെ പദ്ധതി. ഇന്ത്യയിലെ ഡിജിറ്റൽ സമ്പദ്‌വ്യവസ്ഥയുടെ വളർച്ചയിൽ ജിയോയുടെ പങ്ക് കൂടുതൽ ശക്തിപ്പെടുത്തുക എന്നതാണ് ലക്ഷ്യമെന്ന് വിലയിരുത്തപ്പെടുന്നു.

ഇന്ത്യൻ ഓഹരി വിപണിയുടെ ചരിത്രത്തിലെ ഏറ്റവും വലിയ ഐപിഒകളിലൊന്നായി ജിയോയുടെ ലിസ്റ്റിങ് മാറുമെന്നാണ് സാമ്പത്തിക വിദഗ്ധരുടെ വിലയിരുത്തൽ. കമ്പനി ഇതിനകം ടെലികോം, ഡിജിറ്റൽ സേവനങ്ങൾ, ക്ലൗഡ്, എന്റർപ്രൈസ് ടെക്നോളജി മേഖലകളിൽ ശക്തമായ സാന്നിധ്യം ഉറപ്പിച്ചിരിക്കുകയാണ്.

കേരള ന്യൂസ് മീഡിയ വാട്സ്ആപ്പ് ചാനൽ പിന്തുടരൂ:

https://whatsapp.com/channel/0029Vb7Ks1v1t90adn8xFf2w

കേരള ന്യൂസ് മീഡിയ ഇ പേപ്പർ:

https://chat.whatsapp.com/E78Zp4LoHNTH8dsLXxgdO1?s=cl&p=a&mlu=3

കൂടുതൽ വാർത്തകൾ വായിക്കാൻ:

www.keralanewsmediaonline.com