സ്വകാര്യ സർവകലാശാല നിയമം രാഷ്ട്രപതിയുടെ അംഗീകാരത്തിനായി കാത്തിരിക്കുന്നു

കേരള ന്യൂസ് മീഡിയ

റിപ്പോർട്ട്: ദൗ ല ത് ഷാ എം

തിരുവനന്തപുരം: കേരളത്തിൽ സ്വകാര്യ സർവകലാശാലകൾക്ക് പ്രവർത്തനാനുമതി നൽകുന്നതിനുള്ള നിയമനിർമാണം ഇപ്പോഴും രാഷ്ട്രപതിയുടെ അംഗീകാരത്തിനായി കാത്തിരിക്കുകയാണെന്ന് ഉന്നത വിദ്യാഭ്യാസ മന്ത്രി റോജി എം. ജോൺ അറിയിച്ചു.

സ്വകാര്യ സർവകലാശാലകൾ സംസ്ഥാനത്ത് എപ്പോൾ പ്രവർത്തനം ആരംഭിക്കുമെന്ന ചോദ്യത്തിന് മറുപടിയായാണ് മന്ത്രി ഇക്കാര്യം വ്യക്തമാക്കിയത്. നിയമസഭയിൽ ഏകകണ്ഠമായാണ് ബിൽ പാസാക്കിയതെന്നും തുടർന്ന് ഗവർണർ രാഷ്ട്രപതിയുടെ പരിഗണനയ്ക്കായി അത് അയച്ചതാണെന്നും അദ്ദേഹം പറഞ്ഞു.

നിയമവുമായി ബന്ധപ്പെട്ട ചില സാങ്കേതിക വിഷയങ്ങൾ പരിഹരിക്കുന്നതിനുള്ള നടപടികളാണ് സർക്കാർ ഇപ്പോൾ സ്വീകരിച്ചുവരുന്നതെന്നും മന്ത്രി അറിയിച്ചു. അംഗീകാരം ലഭിക്കുന്നതോടെ സ്വകാര്യ സർവകലാശാലകൾക്ക് കേരളത്തിൽ പ്രവർത്തനമാരംഭിക്കുന്നതിനുള്ള വഴി തുറക്കുമെന്നാണ് പ്രതീക്ഷ.

ഉന്നത വിദ്യാഭ്യാസ മേഖലയിലേക്ക് കൂടുതൽ നിക്ഷേപവും ആഗോള നിലവാരത്തിലുള്ള വിദ്യാഭ്യാസ സ്ഥാപനങ്ങളും എത്തിക്കുന്നതിനുള്ള സുപ്രധാന നീക്കമായാണ് സ്വകാര്യ സർവകലാശാല നിയമത്തെ വിലയിരുത്തുന്നത്.

സംസ്ഥാനത്തെ വിദ്യാർത്ഥികൾക്ക് കൂടുതൽ പഠന അവസരങ്ങളും ഗവേഷണ സാധ്യതകളും സൃഷ്ടിക്കുന്നതിൽ ഈ നിയമം നിർണായക പങ്കുവഹിക്കുമെന്നും വിദ്യാഭ്യാസ മേഖലയിലെ വിദഗ്ധർ അഭിപ്രായപ്പെടുന്നു.

കേരള ന്യൂസ് മീഡിയ വാട്സ്ആപ്പ് ചാനൽ പിന്തുടരൂ: https://whatsapp.com/channel/0029Vb7Ks1v1t90adn8xFf2w

കേരള ന്യൂസ് മീഡിയ ഇ-പേപ്പർ: https://chat.whatsapp.com/E78Zp4LoHNTH8dsLXxgdO1?s=cl&p=a&mlu=3

കൂടുതൽ വാർത്തകൾ വായിക്കാൻ: www.keralanewsmediaonline.com