കേരള ന്യൂസ് മീഡിയ
റിപ്പോർട്ട്: ദൗ ല ത് ഷാ എം
2026 ഫിഫ ലോകകപ്പിൽ ദക്ഷിണ കൊറിയയും ചെക്കിയയും തമ്മിലുള്ള മത്സരത്തിനിടെ കൗതുകകരമായ സംഭവം അരങ്ങേറി. ചെക്കിയയുടെ മധ്യനിര താരം പാവൽ സുൽച്ചിന്റെ ജഴ്സി കീറിയതിനെ തുടർന്ന് റഫറി അമിൻ മുഹമ്മദ് ഒമർ മത്സരം താൽക്കാലികമായി നിർത്തിവെക്കുകയായിരുന്നു.
മത്സരത്തിനിടെയുണ്ടായ ശാരീരിക പോരാട്ടത്തിനിടെയാണ് സുൽച്ചിന്റെ ഷർട്ട് കാര്യമായി കീറിയത്. തുടർന്ന് കളി തുടരാൻ കഴിയാത്ത സാഹചര്യം ഉണ്ടായതോടെ റഫറി ഇടപെട്ട് താരത്തോട് പുതിയ ജഴ്സി ധരിക്കാൻ നിർദേശിച്ചു.
മൈതാനം വിട്ട സുൽച്ച് ഏതാനും നിമിഷങ്ങൾക്കകം പുതിയ ജഴ്സിയുമായി തിരിച്ചെത്തിയ ശേഷം മത്സരത്തിൽ വീണ്ടും പങ്കെടുത്തു. ഈ ദൃശ്യങ്ങൾ സ്റ്റേഡിയത്തിലെ ആരാധകരുടെയും ടെലിവിഷൻ പ്രേക്ഷകരുടെയും ശ്രദ്ധ പിടിച്ചുപറ്റി.
സംഭവത്തിന്റെ വീഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുകയും ലോകകപ്പിലെ രസകരമായ നിമിഷങ്ങളിലൊന്നായി മാറുകയും ചെയ്തു. താരത്തിന്റെ കീറിയ ജഴ്സിയും റഫറിയുടെ ഇടപെടലും ഫുട്ബോൾ ആരാധകർക്കിടയിൽ ചർച്ചാവിഷയമായി.
കേരള ന്യൂസ് മീഡിയ വാട്സ്ആപ്പ് ചാനൽ പിന്തുടരൂ: https://whatsapp.com/channel/0029Vb7Ks1v1t90adn8xFf2w
കേരള ന്യൂസ് മീഡിയ ePaper: https://chat.whatsapp.com/E78Zp4LoHNTH8dsLXxgdO1?s=cl&p=a&mlu=3
കൂടുതൽ വാർത്തകൾ വായിക്കാൻ: www.keralanewsmediaonline.com
