കേരള ന്യൂസ് മീഡിയ
റിപ്പോർട്ട് കിരൺ എസ് പിള്ളൈ
FIFA World Cup ഫുട്ബോൾ ചരിത്രത്തിലെ ഏറ്റവും വലിയ ഡിജിറ്റൽ ഇവന്റായി മാറാനൊരുങ്ങുന്നതായി പുതിയ വിലയിരുത്തലുകൾ. 2022 ലോകകപ്പ് ഫൈനലിൽ Lionel Messi ഫ്രാൻസിനെതിരെ ആദ്യ ഗോൾ നേടിയ ഒരു മിനിറ്റ് മാത്രം ലോകമെമ്പാടുമായി ഏകദേശം 1.5 ബില്യൺ പേർ ഒരേസമയം കണ്ടതായാണ് കണക്കുകൾ. ആ ഒരു നിമിഷം മാത്രം ആഗോള ഇന്റർനെറ്റ് ട്രാഫിക്കിന്റെ 4 മുതൽ 5 ശതമാനം വരെ ഉപയോഗിച്ചതായും റിപ്പോർട്ടുകൾ വ്യക്തമാക്കുന്നു.
അന്ന് ഏകദേശം 500 ടെറാബൈറ്റിലധികം വീഡിയോ സ്ട്രീമിംഗ് ഡാറ്റയും 800 മില്യൺ സോഷ്യൽ മീഡിയ പ്രതികരണങ്ങളും രേഖപ്പെടുത്തിയിരുന്നു. എന്നാൽ 2026ൽ സാഹചര്യം കൂടുതൽ വലുതായിരിക്കും. കാരണം ലിനിയർ ടെലിവിഷനെ മറികടന്ന് ഡിജിറ്റൽ സ്ട്രീമിംഗാണ് പ്രധാന വേദിയാകുന്നത്.
2022 ഖത്തർ ലോകകപ്പിൽ 2.9 ബില്യൺ പേർ പരമ്പരാഗത ടിവിയിലൂടെയും 2.7 ബില്യൺ പേർ ഡിജിറ്റൽ പ്ലാറ്റ്ഫോമുകളിലൂടെയും മത്സരങ്ങൾ കണ്ടിരുന്നു. സോഷ്യൽ മീഡിയ ഇടപെടലുകൾ റഷ്യ 2018 ലോകകപ്പിനെ അപേക്ഷിച്ച് 621 ശതമാനം ഉയർന്നിരുന്നു.
2026 ലോകകപ്പ് ഫൈനൽ ആഗോള ഇന്റർനെറ്റ് ട്രാഫിക്കിന്റെ 7 ശതമാനം വരെ ഉപയോഗിക്കാമെന്നാണിപ്പോൾ വിലയിരുത്തൽ. ഓരോ മത്സരത്തിനും 50 മില്യൺ വരെ ഒരേസമയം സ്ട്രീം ചെയ്യുന്ന പ്രേക്ഷകരെ കൈകാര്യം ചെയ്യാൻ ബ്രോഡ്കാസ്റ്റർമാർ 200 ടെറാബൈറ്റിലധികം അധിക ബാൻഡ്വിഡ്ത്ത് ഒരുക്കുന്നുവെന്നാണ് റിപ്പോർട്ടുകൾ.
ഇതിനൊപ്പം 2026 ലോകകപ്പ് “ആദ്യ AI ലോകകപ്പ്” എന്ന നിലയിലും ചരിത്രത്തിലേക്ക് കടക്കാനിരിക്കുകയാണ്. എല്ലാ 48 ടീമുകൾക്കും FIFAയും Lenovoയും ചേർന്ന് വികസിപ്പിച്ച Football AI Pro എന്ന പ്ലാറ്റ്ഫോം ലഭ്യമാകും.
മത്സരത്തിനിടെ തത്സമയം കോടിക്കണക്കിന് ഡാറ്റാ പോയിന്റുകളും 2000ലധികം പ്രകടന മാനദണ്ഡങ്ങളും AI വിലയിരുത്തും. താരങ്ങളുടെ ചലനം, പ്രസ്സിംഗ്, തന്ത്രപരമായ മാറ്റങ്ങൾ, ട്രാൻസിഷൻ ഗെയിം എന്നിവയെല്ലാം ടെക്സ്റ്റ്, ഗ്രാഫ്, ചെറിയ വീഡിയോ ക്ലിപ്പുകൾ എന്നീ രൂപത്തിൽ പരിശീലകർക്കും ടീമുകൾക്കും ലഭ്യമാകും.
ഇതുവരെ സമ്പന്ന ടീമുകൾക്ക് മാത്രം ലഭ്യമായിരുന്ന ഉയർന്ന നിലവാരത്തിലുള്ള ഡാറ്റ അനലിറ്റിക്സ് ഇപ്പോൾ എല്ലാ രാജ്യങ്ങൾക്കും ഒരുപോലെ ലഭ്യമാകുന്നതാണ് ഈ ലോകകപ്പിന്റെ വലിയ മാറ്റമായി കണക്കാക്കപ്പെടുന്നത്.
Follow the കേരള ന്യൂസ് മീഡിയ channel on WhatsApp: https://whatsapp.com/channel/0029Vb7Ks1v1t90adn8xFf2w
Read more news at www.keralanewsmediaonline.com
