കേരള ന്യൂസ് മീഡിയ
റിപ്പോർട്ട് :സജീവ് ഗോപാലൻ
തമിഴ് നാട്ടിൽ തെരഞ്ഞെടുപ്പിന് ശേഷം വിജയിച്ചു വന്ന ടി വി കെ നേതാവ് വിജയ്ക്ക് സർക്കാർ രൂപീകരിക്കാനുള്ള ഭൂരിപക്ഷം ഇല്ലെന്ന് ഗവർണർ. നാളെ സത്യപ്രതിജ്ഞ ചെയ്യാൻ ഇരിക്കെയാണ് ഗവർണറുടെ നീക്കം. ഭൂരിപക്ഷം തെളിയിച്ചാൽ സത്യപ്രതിജ്ഞ ചെയ്യാൻ കഴിയു എന്ന് പറഞ്ഞതായാണ് വിവരം. ഇത് സംബന്ധിച്ച നിയമോപദേശം ഗവർണർ തേടിയിട്ടുണ്ട്.
വിജയ്ക്ക് ഉളളത് 113 പേരുടെ പിന്തുണയാണ് എന്നാൽ ഭൂരിപക്ഷത്തിന് വേണ്ടത് 118 സീറ്റുകളാണ്. ഗവർണർ രാജേന്ദ്ര വിശ്വനാഥ് അർലേക്കറുമായി കൂടിക്കാഴ്ച നടത്തിയതിന് പിന്നാലെയാണ് ഗവർണറുടെ പരാമർശം. ഗവർണറുടെ രാഷ്ട്രീയ നീക്കമാണിതെന്നാണ് വിവരം. പിന്തുണ ലഭിച്ചതോടെ നാളെ ചെന്നൈയിലെ ജവഹർലാൽ നെഹ്റു സ്റ്റേഡിയത്തിൽ വിജയ് മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേൽക്കാനായിരുന്നു നീക്കം.
എന്നാൽ ഇതോടെ നാളെ സത്യ പ്രതിജ്ഞ ചെയ്യില്ലെന്നാണ് ലഭിക്കുന്ന വിവരം. സത്യ പ്രതിജ്ഞയ്ക്ക് ഗവർണർ ഇതുവരേയും അനുമതി നൽകിയിട്ടില്ല. തമിഴ്നാട്ടിൽ മതേതര കക്ഷികളെ ഒപ്പം ചേർത്ത് സർക്കാർ രൂപിക്കരിക്കാനാണ് വിജയുടെ ശ്രമം. ഏറ്റവും വലിയ ഒറ്റകക്ഷിയായ TVK ക്ക് ഉപാധികളോട് പിന്തുണ നൽകുമെന്ന് കോൺഗ്രസ് പ്രഖ്യാപിച്ചിരുന്നു
