ബാങ്ക് നിക്ഷേപത്തിലും വായ്പാ വിതരണത്തിലും കേരളത്തിന് ശക്തമായ വളർച്ച

കേരള ന്യൂസ് മീഡിയ

റിപ്പോർട്ട്: സജീവ് ഗോപാലൻ

കേരളത്തിലെ ബാങ്കിംഗ് മേഖലയിൽ കഴിഞ്ഞ വർഷത്തെ അപേക്ഷിച്ച് ശ്രദ്ധേയമായ വളർച്ച രേഖപ്പെടുത്തി. ബാങ്ക് നിക്ഷേപങ്ങൾ 12 ശതമാനം വർധിച്ച് 10.62 ലക്ഷം കോടി രൂപയിലെത്തിയപ്പോൾ, വായ്പാ വിതരണം 13 ശതമാനം ഉയർന്ന് 7.74 ലക്ഷം കോടി രൂപയായി. വായ്പാ-നിക്ഷേപ അനുപാതവും 72.88 ശതമാനമായി മെച്ചപ്പെട്ടു.

കാർഷിക മേഖലയിലേക്കുള്ള വായ്പാ വിതരണം റെക്കോർഡ് 1.73 ലക്ഷം കോടി രൂപയിലെത്തി. മുൻവർഷത്തെ അപേക്ഷിച്ച് 12 ശതമാനത്തിന്റെ വളർച്ചയാണ് ഈ മേഖലയിലുണ്ടായത്. ചെറുകിട, ഇടത്തരം സംരംഭങ്ങൾക്കുള്ള വായ്പ 11 ശതമാനം വർധിച്ച് 1.05 ലക്ഷം കോടി രൂപയായി.

പ്രവാസി കേരളീയരുടെ നിക്ഷേപത്തിലും ഗണ്യമായ വർധന രേഖപ്പെടുത്തി. പ്രവാസി നിക്ഷേപങ്ങൾ 11 ശതമാനം ഉയർന്ന് 3.24 ലക്ഷം കോടി രൂപയിലെത്തി. സംസ്ഥാന സമ്പദ്‌വ്യവസ്ഥയിൽ പ്രവാസി നിക്ഷേപങ്ങളുടെ പ്രാധാന്യം ഇതിലൂടെ വീണ്ടും വ്യക്തമാകുന്നതായി സാമ്പത്തിക വിദഗ്ധർ ചൂണ്ടിക്കാട്ടുന്നു.

തുറമുഖങ്ങൾ, ജലപാതകൾ, ലോജിസ്റ്റിക്‌സ് ശൃംഖല, പുനരുപയോഗ ഊർജ പദ്ധതികൾ, മുതിർന്ന പൗരന്മാരെ കേന്ദ്രീകരിച്ചുള്ള സാമ്പത്തിക മേഖലകൾ എന്നിവയ്ക്ക് കൂടുതൽ ധനസഹായം നൽകണമെന്ന് മുഖ്യമന്ത്രി വി.ഡി. സതീശൻ ബാങ്കുകളോട് ആവശ്യപ്പെട്ടു.

ചെറുകിട, ഇടത്തരം സംരംഭങ്ങളുടെ വളർച്ചയ്ക്ക് സഹായകമായ പ്രത്യേക വായ്പാ പദ്ധതികളുടെ പുരോഗതിയും യോഗത്തിൽ വിലയിരുത്തി. സംസ്ഥാനത്തിന്റെ സാമ്പത്തിക വളർച്ചയ്ക്ക് ബാങ്കിംഗ് മേഖലയുടെയും ധനകാര്യ സ്ഥാപനങ്ങളുടെയും പങ്ക് കൂടുതൽ ശക്തമാക്കേണ്ടതിന്റെ ആവശ്യകതയും ചർച്ചയായി.

കേരള ന്യൂസ് മീഡിയ വാട്സ്ആപ്പ് ചാനൽ പിന്തുടരൂ: https://whatsapp.com/channel/0029Vb7Ks1v1t90adn8xFf2w

കേരള ന്യൂസ് മീഡിയ ഇ-പേപ്പർ: https://chat.whatsapp.com/E78Zp4LoHNTH8dsLXxgdO1?s=cl&p=a&mlu=3

കൂടുതൽ വാർത്തകൾ വായിക്കാൻ: www.keralanewsmediaonline.com