യുവേഫ ചാമ്പ്യൻസ് ലീഗ് ക്വാർട്ടർ ഫൈനലിൽ റയൽ മാഡ്രിഡിനെതിരെ ബയേൺ മ്യൂണിക്ക് 4-3ന് നാടകീയ ജയം നേടി സെമിഫൈനലിലേക്ക് കടന്നു. ഇരുപാദങ്ങളിലും ചേർന്ന് 6-4 എന്ന സ്കോറിലാണ് ബയേൺ മുന്നേറിയത്.
മത്സരത്തിന്റെ അവസാന നിമിഷങ്ങളിൽ ലൂയിസ് ഡിയാസ് (89-ാം മിനിറ്റ്)യും മൈക്കൽ ഒലിസെയും (സ്റ്റോപ്പേജ് ടൈം) നേടിയ ഗോളുകളാണ് ജയം ഉറപ്പിച്ചത്. കടുത്ത പോരാട്ടത്തിനൊടുവിൽ ബയേൺ ഇനി കിരീട ജേതാക്കളായ പാരീസ് സെയിന്റ് ജെർമെയ്നിനെ സെമിയിൽ നേരിടും.
